Qəribə bir fikir gəlib ağlıma,

Səni nağıllara aparacağam.

Hələki ümid var, ağlama, gülüm,

Səni nağıllara aparacağam. 

Bu həsrət min nağıl yadıma salıb,

Bu həyat de sənin nəyinə qalıb?

Hər şirin xəyalı qoynuna alıb,

Səni nağıllara aparacağam. 

Həyatın dibləri hərəsi bomboş,

Bu həsrət qarıdır, bizi ötür yaş,

Bir aylı gecədə GÜLÜM hazırlaş,

Səni nağıllara aparacağam.

Bəlkə bu dünyadan xatirə qaldı,

Hər nağıl bizlərə düşən misaldır,

Bütün nağılların sonu vüsaldır,

Səni nağıllara aparacağam. 

Bu sevgi nağıldır düzünə qalsa,

Nağılda duyulur sevgi duyulsa,

Sənə söz verirəm, yuxu da olsa,

Səni nağıllara aparacağam.