Söz verdiyin vaxtdan keçir bir saat

Yenə də görüşə gecikirsən sən

Gecikdiyin vaxtı

Saat ba saat

Üst-üstə toplasam bir ömür eylər…

Bir ömür gözlətdin məni bu parkda

Bir ömür oturdum bu skamyada

Saata baxmaqdan, saat da bezib

Əqrəblər etiraz eləyir mənə

Əsəbi yerişdən bu park da bezib 

         Mən parkı tapdaram, … Park məni əzir…

Bilirəm sonunda gəlib çıxarsan

bir kəlmə «bağışla» söyləməyərsən

bəlkə də doğurdan gecikməmisən

bəlkə mən tələsdim səni sevməyə…

Müəllif: Nicat Qafuroğlu